Beş qadını maşında güllələdilər

Meksikanın Sakatekas ştatının Xuan-Aldama qəsəbəsində bir avtomobildə güllələnərək qətlə yetirilmiş 5 qadının meyiti aşkarlanıb. Avtosfer.az Rusiya mətbuatına istinadən xəbər verir ki, bu barədə ştatın ictimai təhlükəsizlik nazirliyindən məlumat yayılıb.

Polis ekspertlərin rəyinə görə, qadınları irikalibrli silahla yaxından atəş açmaqla qətlə yetiriblər. Ancaq onların şəxsiyyəti və həmçinin hansı səbəbdən öldürüldükləri barədə hələlik məlumat əldə olunmayıb.

Ehtimal edilir ki, bu hadisədə də yerli narkotik mafiyalarının əli var. Çünki bu, qadınların da belə cinayətkar qruplaşmaların iştirakçısı və ya qurbanı olduğu ilk qanlı hadisə deyil.