Beton yolunun yanlış xətlənməsi ilə bağlı – AÇIQLAMA - VİDEO

Zığ – Aeroport yolunun doğru xətlənməməsi ilə bağlı sosial şəbəkələrdə görüntülər yayılıb.

Avtosfer.az-ın “Qafqazinfo”ya istinadən məlumatına görə, bu barədə tanınmış mexanik Saleh görüntülər paylaşıb.

O iddia edib ki, sözügedən ərazidə MİDA-nın Hövsan Kompleksi yaxınlığında yola qalın qırıq-qırıq xətlər çəkilib. Lakin buradan dönəndə, yanlız Zirə Dəniz limanına, sosial evlərə getmək üçün sağa dönmə əməliyyatını icra etmək mümkündür:

“Buranı keçdikdən sonra bütün yol düz xətlə ayrılıb. Üzü Qala qəsəbəsi istiqamətinə gedərkən Zirəyə tərəf dönmək istəsək biz gərək yolun sonuna qədər gedib çıxaq ki, ora qırıq-qırıq xətlə nişanlanıb. Bu da qəza şəraiti yaradır”.

Məsələ ilə bağlı Azərbaycan Yerüstü Nəqliyyat Agentliyindən bildirilib ki, görüntülər ərazidə texniki iş aparılarkən lentə alınıb və işlər tam yekunlaşmayıbmış:

“Hazırda sözügedən ərazidə nəqliyyat vasitələrinin maneəsiz və təhlükəsiz hərəkəti üçün müvafiq şərait yaradılıb”.