"Bəxt üzüyü"nün məşhur aktyoru taksi sürücüsü işləyir - VİDEO - FOTO

Akademik Milli Dram Teatrının tanınmış aktyoru, əməkdar artist Ayşad Məmmədov Bakıdakı taksi xidmətlərindən birində fəaliyyətə başlayıb. Ölkə.az-ın məlumatına görə, aktyor bir neçə gündür özünü taksi sürücüsü kimi sınayır.

Xatırladaq ki, A.Məmmədov geniş tamaşaçı kütləsinə Ramiz Əzizbəylinin rejissoru olduğu "Bəxt üzüyü" filmindəki Hüseyn obrazıyla tanınıb.

Aktyor haqqında yayılan həmin məlumatı təkzib edib. “Deyəsən, bəzi KİV-lər kino ilə real həyatı qarışdırırlar. Mən sonuncu dəfə Eldar Quliyevin “İstanbul reysi” fimində “taksi” sürmüşəm. Düzdür, mənim avtomobilim var, lakin onu özüm və ailəm üçün almışam, ondan taksi kimi istifadə etmək üçün yox! Teatrdakı maaş qane etməsə də, mən Prezident mükafatı alıram və taksi sürücüsü işləməyə ehtiyacım yoxdur. Bu xəbəri də kimin və nə məqsədlə yaymağını anlaya bilmirəm”, - deyə aktyor bildirib.