Binəli Yıldırım helikopterin qəza səbəbini açıqladı - VİDEO

Türkiyənin baş naziri Binəli Yıldırım Giresunda qəzaya uğrayan hərbi helikopterlə bağlı açıqlama verib. Avtosfer.az azvision.az-a istinadən bildirir ki, B.Yıldırım helikopterin hava şəraitinin pis olması səbəbindən qəzaya düşdüyünü deyib.

Baş nazir hadisə ilə bağlı baş qərargah rəisi Hulusi Akar və Giresun valisi Hasan Karahanı ilə telefonla danışdığını vurğulayıb. "Yaralılar var. Həyatını itirənlərlə bağlı xəbərlər gəlir. Ölən və yaralıların say ilə bağlı hazırda dəqiq məlumat yoxdur. Amma gələn xəbərlərə görə 5 şəhidimiz var", - deyə baş nazir qeyd edib. Qeyd edək ki, mətbuatda yayılan məlumatlara əsasən, Türkiyənin Giresun əyalətində "S70" tipli hərbi helikopterin qəzaya uğraması nəticəsində 7 nəfər ölüb, 8 nəfər ağır yaralanıb.