Binəqədi və Nəsimi rayonları ərazisində avtomobillər oğurlanıb

Avqustun 11-də Binəqədi rayonu ərazisindən Bakı şəhər sakini Fərhad Seyidova məxsus “VAZ-2106” markalı avtomobil qaçırılıb. Binəqədi RPİ 6-cı polis bölməsi əməkdaşlarının keçirdikləri əməliyyat tədbirləri nəticəsində avtomobili qaçırmaqda şübhəli bilinən Əziz Paşayev tutulub. Daxili İşlər Nazirliyindən Avtosfer.az-a verilən xəbərə görə, Nəsimi rayonu ərazisində də eyni cinayət baş verib. Nəsimi RPİ 19-cu polis bölməsi əməkdaşlarının keçirdikləri əməliyyat-axtarış tədbirləri nəticəsində avqustun 8-də Bakı şəhər sakini Ceyhun Cabbarlıya məxsus “Nissan” markalı avtomobili qaçırmaqda şübhəli bilinən paytaxt sakini Elnur Şahbazov saxlanılıb. Faktla bağlı araşdırma aparılır.