"Bir az sürdüm, sonra satammadım": Maşın oğruları saxlanıldı - VİDEO

Abşeronda bir neçə vətəndaşın şikayəti əsasında polis avtomobil oğurlayan şəxsləri ifşa edib. Əməliyyatçılar 3 nəfəri ehtiyat hissələrini satanda iş başında saxlayıb. Avtosfer.az xəbər verir ki, avtomobilləri oğurlayıb daha sonra onları hissələrə bölüb satan şəxslər saxlanılıb. Qobu və Atyalı qəsəbəsinin 3 sakini Abşeron rayon polis idarəsinə məlumat veriblər ki, VAZ-2107, VAZ-2104, və VAZ-2106 markalı avtomobilləri yaşadıqları evin yaxınlığından qaçırılıb.

Polis yanvar ayından daxil olan şikayət əsasında axtarış tədbirlərinə başlasa da iki gün əvvəl Ayxan Səfərov, Şəhriyar Xudiyev və Elgün Hüseynovu şübhəli şəxs qismində saxlayıb. Onlar həmin avtomobillərin ehtiyat hissələrini satarkən yaxalanıblar. İdarəyə gətrilən hər üç şəxs əməllərini etraf ediblər. Ayxan Səfərovun sözlərinə görə avtomobilləri qaçırmağı onlara Elgün Hüseynov təklif edib.

Araşdırma zamanı məlum olub ki, dəstə üzvlərindən Şəhriyar Xudiyev özü tək də belə cinayət törədib.

Dəstə üzvləri daha sonra qaçırdıqları avtomobillərin bəzilərinin ehtiyat hissələrini və aksesuarlarını söküb satmaq niyyətinə düşüblər. Onlar vaz-2107-nin maqnitafon və akkumuliyatorunu satarkən polis onları yaxalayıb.

Qeyd edək ki, saxlanılanlardan Elgün Hüseynov 32 illik ömrünün 10 ilini müxtəlif cinayətlərə görə həbsdə keçirib. Faktla bağlı Abşeron rayon polis idarəsində cinayət işi başlanıbi, istintaq davam edir.