Bir sərnişinin 55 qəpik xərci var…

2016-ci ilin yanvar-sentyabr aylarında Bakı Metropoliteninin reklamdan əldə etdiyi vəsait, sərnişin daşınmasına çəkdiyi xərcin və gediş haqqının ödənilməsindən daxil olan vəsaitin həcmi məlum olub. Avtosfer.az xəbər verir ki, bu barədə Dövlət Statistika Komitəsi “qafqazinfo”nun sorğusuna cavab olaraq bildirib ki, 9 ayda Metropolitenə reklam fəaliyyətindən 3792,6 min manat vəsait daxil olub. Bu müddət ərzində gediş haqqınn ödənilməsindən 30643,5 min manat vəsait əldə olunub. Keçən ilin müvafiq dövründə isə bu vəsait 31380,9 min manat təşkil edib. Bu da o deməkdir ki, gəlirlərdə 737,4 manat azalma müşahidə olunub. Bir sərnişinin daşınmasına 55 qəpik xərc çəkilib. Ötən il çəkilən xərc isə 48 qəpik təşkil edib.

Ümumilikdə, sərnişin daşınmasına isə 83118,1 min manat xərc çəkilib. Ötən il müvafiq dövründə isə xərcin miqdarı 75778,3 min manat olub.