BMT-nin avtomobili partladılıb - 3 ölü, 2 yaralı

Malidə BMT-nin sülhməramlı qüvvələrinin avtomobili partladılıb. Bu barədə “RİA Novosti” agentliyi məlumat yayıb. Məlumata əsasən, insident Tesalit və Aqelhok yaşayış məntəqələri arasında yerləşən avtomobil yolunda qeydə alınıb. Hadisə nəticəsində 3 sülhməramlı həlak olub, 2-si isə yaralanıb. Yaralılar Kidal şəhərindəki xəstəxanaya yerləşdiriliblər.

Qeyd edək ki, ötən həftə Mali Nazirlər Şurası ölkədə fövqəladə vəziyyət rejimini daha 1 il müddətinə uzadıblar.