"BMW F10"la Bayraq Meydanında "avtoşluq" edən sürücü tutuldu - Məhkəmə qərarı

Paytaxtın Səbail rayonu ərazisində avtoxuliqanlıq hərəkətləri edən sürücü saxlanılıb. Avtosfer.az xəbər verir ki, bu barədə Səbail rayon Dövlət Yol Polisi şöbəsindən məlumat verilib. Belə ki, 22-BL-890 dövlət nömrə nişanlı "BMW F10" markalı avtomobil sürücüsü Cəlili Vasif Elçin oğlu sentyabrın 2-i saat 23:12 radələrində Dövlət Bayrağı Meydanı ərazisinə daxil olaraq avtoxuliqanlıq hərəkətləri edib. Səbail DYPŞ-də onun barəsində toplanmış materiallar aidiyyəti üzrə məhkəməyə təqdim olunub. Səbail rayon məhkəməsinin qərarı ilə sürücü Cəlili Vasif Elçin oğlu İnzibati Xətalar Məcəlləsinin 511.1.3-cü maddəsi ilə təqsirli bilinərək barəsində 1 il sürücülük hüququ məhdudlaşdırılmaqla 500 manat məbləğində cərimə tətbiq edilib.