"Boeing" bu ildə 100-dən çox mühəndisi ixtisara salacaq

Aviasiya texnikası istehsalı üzrə ixtisaslaşan "Boeing" korporasiyası bu ildə yüzdən çox mühəndisi işdən uzaqlaşdırmaq niyyətindədir. Avtosfer.az "Report"a istinadən xəbər verir ki, şirkətdən bildiriblər ki, məcburi ixtisarlarla bağlı ikinci mərhələyə yaxınlaşırlar və bu dəfə ixtisar dalğası 100-ə yaxın mühəndisə təsir göstərəcək. Həmçinin "Boeing" nümayəndələri kütləvi işdən uzaqlaşdırmanın məhsul satışı artımının azalması ilə bağlı olduğunu qeyd ediblər.