Böhran hava yolları şirkətlərinin əksəriyyətini "göydən sildi"

2008-ci ildə dünyada baş verən böhrandan sonra hava yolları şirkətlərinin iflası davam edir. Avtosfer.az oxu.az-a istinadən xəbər verir ki, qeyd edilən müddətdə sərnişinlərin sayında və yükdaşımaların həcmində baş verən azalmalar hava yolları şirkətlərinin gəlirlərini 20 faiz azaldıb. Nəticədə sektorun payı 475 milyard dollara qədər geriləyib. Hesablamalara görə, şirkətlər təkcə 2009-cu ildə 9,9 milyard dollar zərərə düşüblər. Ötən 9 ildə Rusiya, Səudiyyə Ərəbistanı, İspanıya başda olmaqla, 90 hava yolu şirkəti iflasa uğrayıb.  2017-ci ildə 4 şirkət iflasını açıqlayıb. Onlardan ən məşhuru Böyük Britaniyanın 1967-ci ildə yaradılan “Monarch Airlines” şirkətidir.