“Boinq” Danimarkanı məhkəməyə verdi

Dünyanın aparıcı aerokosmik şirkətlərindən biri olan “Boinq” F/A-18 Super Hornet əvəzinə F-35-i seçən Danimarkanı məhkəməyə verib. Avtosfer.az axar.az-a istinadən xəbər verir ki, bu barədə Danimarka Müdafiə Nazirliyi məlumat yayıb. “Boinq”in iddiasına görə, məhz Danimarka sayəsində döyüş təyyarəsi almaq istəyən başqa ölkələr Kopenhagenin F-35 almasından istifadə edərək, bundan sonra F-18-lərdən imtina edəcəklər. Qeyd edək ki, Danimarka ötən ilin mayında 27 ədəd F-35 müharibə təyyarəsi alacağını bəyan edib. F-35 hazırda dünyanın ən bahalı 5-ci nəsil təyyarəsi sayılır. Bu təyyarələr düşmən radarlarından gizlənmək qabiliyyətinə sahibdirlər. Təyyarələr hazırda daha çox ABŞ ordusunda istifadə edilir. Türkiyə, İsrail, Böyük Britaniya və digər ölkələrin yaxın zamanlarda bu təyyarələri öz arsenalına qəbul edəcəkləri gözlənilir.