Boruları “Qazel”də gizlədən 51 yaşlı şəxs saxlanıldı - VİDEO

Suraxanı Rayon Polis İdarəsinin əməliyyatçıları rayonun Dədə Qorqud qəsəbəsində Yaşıllaşdırma İdarəsinə məxsus uzunluğu 1 km-dən artıq plastik su borularının oğurlanması faktının üstünü açıblar.

Avtosfer.az arbtv-yə istinadən xəbər verir ki, daxil olan məlumat əsasında keçirilən əməliyyat-axtarış tədbirləri nəticəsində oğurlanan su boruların bir hissəsi əslən İmişli rayonundan olan 51 yaşlı Mübariz Qubadovun “Qazel” markalı avtomobilində aşkarlanıb.

Qubadovun oğurluq əməlini təkbaşına törətmədiyi də məlum olub.

Faktla bağlı cinayət işi başlayıb.

Araşdırmalar davam edir.