Bu avtobuslar metronun yanından keçməyəcək - SXEM

Xocalı soyqırımının növbəti ildönümü ilə əlaqədar keçiriləcək tədbirə görə sərnişin avtobuslarının hərəkət marşrutunda dəyişiklik edilib. Avtosfer.az xəbər verir ki, bu barədə "BakuBus" MMC-nin mətbuat xidmətinin rəhbəri Nuridə Allahyarova bildirib ki, fevralın 26-da paytaxtın Xətai rayonunda yerləşən "Ana harayı" abidəsinin önündə Xocalı soyqrımının növbəti ildönümü ilə bağlı keçiriləcək ümumxalq hüzn mərasimi ilə əlaqədar Xocalı prospekti istiqamətində Nəcəfqulu Rəfiyev, Yusif Səfərov, Süleyman Vəzirov, Mehdi Mehdizadə küçələrinin kəsişmələrindən avtomobillərin hərəkəti məhdudlaşdırılacaq. "BakuBus"a məxsus 14 saylı marşrut xətti bu səbəbdən hər iki istiqamətdə "Xətai" metrostansiyasının önündən keçməyəcək.