Bu ərazidə yolun bir hissəsi qazılıb, nişan yerinə isə daş qoyulub - VİDEO

Zabrat–Maştağa yolunun sağ zolağı istifadəyə yararsız vəziyyətə düşüb.

Bu barədə izləyicilərdən biri Avtosfer.az-ın “Whatsapp” ünvanına video göndərərək məlumat verib. 

Görüntüdən aydın olur ki, yolun bir hissəsi qazılıb, lakin hələ də bərpa edilməyib. Sürücüləri xəbərdar etmək üçün yol nişanı belə qoyulmayıb, onun yerinə daş yerləşdirilib. 

Şikayətçinin sözlərinə görə, yolun bu vəziyyəti, xüsusilə əraziyə bələd olmayan sürücülər üçün həm təhlükə, həm də avtomobillərə maddi ziyan riski yaradır.

Xüsusilə günün qaranlıq saatlarında qəza ehtimalı daha da artır.

Nərmin