Bu il 4349 avtomobil gətirilib - Azərbaycana

2016-cı ilin yanvar-oktyabr ayları ərzində Azərbaycana 4349 ədəd avtomobil idxal olunub. Avtosfer.az xəbər verir ki, bu barədə Dövlət Gömrük Komitəsinin mətbuat xidmətindən verilən məlumata görə, ötən ilin analoji dövrü ilə müqayisədə ölkəyə idxal olunan avtomobillərin sayı 19 min 870 ədəd avtomobil və ya 5,57 dəfə azalıb.

Ölkəyə gətirilən avtomobillərin 75 ədədi sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitələri, 3775 ədədi əsasən adamların daşınması üçün nəzərdə tutulmuş minik avtomobilləri və digər motorlu nəqliyyat vasitələri, 419 ədədi yük daşımaq üçün motorlu nəqliyyat vasitələri, 80 ədədi isə xüsusi təyinatlı motorlu nəqliyyat vasitələridir.