Bu il hansı astronomik hadisələrin şahidi olacağıq?

2018-ci ildə Yer kürəsinin sakinləri bir neçə astronomik hadisənin şahidi olacaq. Avtosfer.az-ın Trend-ə istinadən məlumatına görə, bu il iki tam ay tutulması və 3 qismən günəş tutulması müşahidə olunacaq. İlin ilk ay tutulması yanvarın 31-də baş verəcək. Qeyd edək ki, yanvarın 2-də isə artıq “Superay” müşahidə olunub. Növbəti ay tutulmasının iyul ayında baş verəcəyi deyilib. Günəş tutulmalarına gəlincə, bu astronomik hadisə 2018-ci ildə fevral, iyul və avqust aylarında baş verəcək. Bundan başqa, bu il başqa bir maraqlı astronomik hadisə də olacaq. Belə ki, iyulun 27-də Marsın Günəşlə “qarşıdurması” müşahidə olunacaq.