Bu kamikadze sürücünü birlikdə tapaq - Yoxsa bizi öldürəcək - VİDEO

Dünən Bakıda "VAZ 2107" markalı avtomobilin kobud şəkildə qayda pozmasını əks etdirən görüntülər sosial şəbəkələrdə yayılıb. Lakin sürücünün kimliyi, bu olayın nə baxt və hansı yolda baş verdiyi məlum deyil. Görünən odur ki, üzərində taksi işarəsi olan ağ rəngli “07” magistral yolda əks istiqamətdə hərəkət edir. Sürücünün bu ağlasığmaz hərəkətini digər bir avtomobildən çəkmək mümkün olub.

Xatırladaq ki, buna oxşar hadisə bir neçə gün öncə də baş vermişdi. “ZİL” markalı yükmaşını əks yolda hərəkət edərək kobud qayda pozuntusuna yol vermişdi. Hadisədən dərhal sonra həmin sürücü polis əməkdaşları tərəfindən saxlanılmış və haqqında intizam tədbiri görülmüşdü. Lakin sərxoş sürücü əməlinı haqq qazandıraraq “yaxşı eləmişəm” demişdi. Məhkəmənin qərarı ilə Elçin Babayev 14 gün inzibati qaydada həbs olunub.

Ümid edək ki, “07”nin sürücüsü də insanların həyatına təhlükə yaradan hərəkətlərinə görə cəzalandırılacaq. Lakin onun haqqında heç nə məlum deyil. Avtosfer.az saytı olaraq oxuculardan xahiş edirik ki, bu sürücü barədə və ya hadisənin hansı tarixdə baş verməsi haqqında məlumat varsa 055 335 15 59- nömrəsinə zəng və ya SMS vasitəsilə bildirsinlər. Eyni zamanda, Watsapp-dan da yazmaq olar. Belələrini ictimai qınağa cəlb etmək hər birimizin borcudur. Belə sürücü bir gün bizlərdən birinin qarşısına çıxacaq, ağır qəzaya səbəb olacaq, ya o öləcək, ya da bizlərdən biri. Odur ki, bu sürücünün tapılıb cəzalandarılmasında hər birimiz maraqlı olmalıyıq.

Elməddin