Bu küçə təmir olunub – FOTO+VİDEO

Bakıda Binəqədi rayonu İbrahimpaşa Dadaşov küçəsi təmir olunaraq istifadəyə verilib. "Azəravtoyol" ASC-dən Avtosfer.az-a verilən məlumata görə, təmir olunan küçənin uzunluğu 1 km, eni isə 10 metr təşkil edir. Təmir işləri çərçivəsində yolun köhnə asfalt-beton örtüyünün üst qatı frezlənərək kənara daşınıb. Bunun əvəzinə küçəyə ikiqat olmaqla yeni asfalt-beton örtüyü döşənib. Ümumilikdə, 10 min kv. metrdən çox sahənin asfaltlanması, bundan başqa, səkilərin kənarlarına isə 1 500 poqon metr yeni səki daşının düzülməsi işləri aparılıb. Təmir işləri zamanı səth sularının kənarlaşdırılması üçün nəzərdə tutulan yağış-kanalizasiya sistemi işlək vəziyyətə gətirilib, yeni yağış barmaqlıqları qoyulub, yeraltı kommunikasiya xətlərinin dəmir-beton plitələri qaldırılaraq, baxış qapaqları yenilənib. Bundan başqa, zəruri olan yerlərə yol nişanları quraşdırılıb, üfüqi nişanlanma xətlərinin çəkilişi işləri aparılıb.

Emin