Bu küçədə xaotik vəziyyət yaranıb: Sürücülər qayda pozub, təhlükə yaradırlar - VİDEO

Paytaxtın Xətai rayonu Xudu Məmmədov küçəsində xaotik vəziyyət hökm sürür.

Bu barədə izləyicilərdən biri Avtosfer.az-ın rəsmi “İnstagram” səhifəsinə videomaterial göndərib. Onun sözlərinə görə, təmirdən sonra yolda xətlənmə işlərinin aparılmaması sürücülərdə çaşqınlıq yaradır. Yolun işıqforla tənzimlənməsinə baxmayaraq küçədə piyada keçidi nişanı silindiyi üçün sürücülər dayanmadan hərəkət edirlər. 

Belə ki, 99-OD-466 dövlət nömrə nişanlı “Hyundai Elantra” markalı və 69-BE-722 dövlət nömrə nişanlı “KIA Sportage” markalı avtomobillərin sürücüləri işıqforun qırmızı işığında dayanmadan hərəkət edirlər. Digər tərəfdən yolda nişanlanma xəttinin çəkilməməsi sürücülərin qayda pozmasına zəmin yaradır. 

Videodan da göründüyü kimi, “Hyundai” və qarşı tərəfdən gələn “Porsche” markalı avtomobillər qəzadan son anda yayınırlar. Şikayətçinin iddiasına görə, sözügedən küçədə dayanma-durma qaydasını pozan sürücülər də avtomobillərin hərəkətinə davamlı əngəl törədirlər. 

Nərmin