Bu layihələr Azərbaycanı nəqliyyat dəhlizinə çevirir - VİDEO

"Baki-Tbilisi-Qars dəmiryolu Avropa ilə Asiya arasinda mallarin daşınması baxımından vacib xətdir". Bunu jurnalıstlərə açıqlamasında Avropa Ittifaqinin Nəqliyyat və mobillik üzrə baş direktoru Henrik Hololey deyib. O, Avropa İttifaqının malların daşınması üçün istənilən dəmiryol xəttindən istifadədə maraqlı olduğunu bildirib. Avropa İttifaqı rəsmisi qeyd edib ki, Azərbaycanda nəqliyyat məsələləri ilə bağlı danışıqlar aparılıb. Onun sözlərinə görə danışıqlar zamani strukturlu, daimi nəqliyyat dialoqu formalaşdirmaq qərarına gəlinib. Sonuncu dəfə Bakıda 2011-ci ilin noyabrında oldugunu deyən Henrik Hololey o zaman Azərbaycanın bir sira layihələrinin gündəmdə olduğunu açıqlayıb.

O əlavə edib ki, Azərbaycanla Avropa İttifaqı arasında davam edən danışıqların əsas məqsədlərindən biri aviasiya sazişinin imzalanmasıdır. Henrik Hololey vurğulayıb ki, hazırda danışıqlarda irəliləyiş əldə edilib.