Bu qız imtahanda 700 bal topladı - FOTO

Tələbə Qəbulu üzrə Dövlət Komissiyası ali təhsil müəssisələrinə cari ilin məzunları üçün I və IV ixtisas qrupları üzrə keçirdiyi qəbul imtahanının nəticələrini elan etdikdən sonra 6 nəfərin 700 bal topladığı müəyyənləşdi. Onlardan 5-i oğlan, 1 qızdır.

Yeganə xanım məzun və ən yüksək nəticə göstərən Səbinə İsmayılovadır.

Qazaxın Canallı kəndində doğulan Səbinə elə yaşadığı kənd məktəbinin məzunu olub.

Avtosfer.az xəbər verir ki, bu barədə Məktəbin direktoru Ulduzə Məmmədova "Report”a Səbinənin ziyalı ailədə böyüdüyünü, təhsil ocağında təlim tərbiyəsi ilə seçildiyini bildirib.

Direktor həmçinin 700 bal toplayan şagirdin 10-cu sinifdə oxuyan zaman kimya olimpiyadasının qalibi olduğunu da açıqlayıb. Kənd məktəbini bitirib test tapşırıqlarının hər birinə düz cavab yazan S.İsmayılova ailənin böyük övladıdır. Qeyd edək ki, 2 qardaşın yeganə bacısı IV ixtisas qrupunda ən yüksək nəticəyə sahib olub.