Bu qız öz rəfiqələrini sevgilisinə bıçaqlatdırdı - VİDEO

Qız, sifarişlə iki rəfiqəsini bıçaqladıb. Qanlı hadisə avqustun 30-da gecə saatlarında paytaxtın Nizami rayonunda baş verib. Qara Qarayev prospektində yerləşən binalardan birinin girişində naməlum şəxs Bakı şəhər sakinləri Vüsalə Saramanova və Elnarə Mikayılovaya ağır bədən xəsarəti yetirib. Qızlar ağır vəziyyətdə xəstəxanaya yerləşdirildiklərindən həmin vaxt onların ifadəsini almaq mümkün olmayıb. DİN-dən Avtosfer.az-a verilən məlumata görə, hadisə barədə məlumat daxil olan kimi Nizami Rayon Polis İdarəsi 25-ci Polis Bölməsi əməkdaşları tərəfindən təxirəsalınmaz əməliyyat-axtarış tədbirlərinə başlanılıb. Bölmə əməkdaşları tərəfindən qısa zamanda cinayəti törətməkdə şübhəli bilinən şəxs saxlanılaraq istintaqa təhvil verilib.

Hadisəni törədən Şəhriyyar Əlizadə ilkin ifadəsində onu da bildirib ki, bıçaqladığı hər iki qadın onun qeyri rəsmi yaşadığı Elyanora Osmanova haqqında təhqiramiz ifadələr işlədiblər. Bu səbdən də Şəhriyyar Əlizadə yaşadıqları binanın qarşısına gələrək onları gözləyib. Qadınlar gecə yarısı gəlib liftə minərkən Şəhriyyar da onlarla qalxıb və 9-cu mərtəbəyə qədər onlardan birinə 8, digərinə isə 11 bıçaq zərbəsi vurub. Faktla bağlı rayon polis idarəsində cinayət işi başlanılıb.

Elmin