Bu yollar səhərdən axşama kimi bağlı olacaq - SİYAHI

Bu gün Azərbaycanda keçirilən "Tour d’Azerbaidjan-2016" veloyürüşünün final mərhələsi keçiriləcək. Sonuncu finiş mərhələsi səhər saat 9-da Azadlıq meydanından başlayacaq. Bakı şəhər Dövlət Yol Polisi İdarəsinin bölmə rəisi, polkovnik Vaqif Əsədovun Avtosfer.az-a verdiyi məlumata görə, yarış iştirakçıları Nobel prospekti, Hövsan-Aeroport beton yolu, Qala, Mərdəkan, Buzovna, Bilgəh və Hava limanı yolu ilə şəhərin mərkəzinə doğru, yəni, Heydər Əliyev prospekti, Yusif Səfərov, Üzeyir Hacıbəyov, Puşkin, Neftçilər, «Qoşa qala» qapısı, İstiqlaliyyət, Sona Əliyeva, Lermontov, Parlament, İnşaatçılar, Hüseyn Cavid, Landau, Bakıxanov, Səməd Vurğun, Şəmsi Bədəlbəyli və Bülbül küçəsi marşrutu üzrə bir neçə dəfə dövrə vuracaqlar. Yarış saaat 15.30-dək davam edəcək. DYP bildirir ki, bununla əlaqədar olaraq qeyd olunan istiqamətlər üzrə avtomobillərin hərəkətinə tam məhdudiyyət qoyulacaq. Sürücülərdən alternativ yollardan istifadə etmək xahiş olunur. 

Emin