"Buta Airways" Kiyevdən Bakıya ilk uçuşunu yerinə yetirib

Azərbaycanın ilk aşağıbüdcəli aviaşirkəti - "Buta Airways" Kiyev-Bakı istiqamətində ilk reysini yerinə yetirib. Avtosfer.az-ın "Report"a istinadən verdiyi məlumata görə, təyyarə Azərbaycan paytaxtına Julyani beynəlxalq hava limanından yola düşüb. Hələlik bu istiqamətdə uçuşlar həftədə 2 dəfə - çərşənbə axşamı və çərşənbə günləri yerinə yetiriləcək. Yaxın gələcəkdə Kiyev-Bakı avaireysi həftənin şənbə günləri, tədricən isə hər gün həyata keçiriləcək. Biletin qiyməti bir istiqamət üzrə 800 qrivna (təxminən 53 manat) təşkil edir. Uçuşlar "Embraer 190" təyyarəsi ilə həyata keçirilir.