“Camaat elə bil yeraltı saunaya girir...”

“Bakı Metropolitenindən istifadə etməkdəyəm… Hazırda qatarda gedirəm. Məncə, hər stansiyanın girişində ürək-damar və ağ ciyər xəstələrinə xəbərdarlıq asılmalıdır ki, havanız çatışmaya, ürəyiniz gedə və halsızlaşa bilərsiniz”. Bu barədə teleaparıcı Aytən Səfərova sosial şəbəkədə paylaşım edib. Səfərova metrolarda havalandırma sisteminin olmamasından şikayətlənib: “Bu, nədir? Metroda, qatarlarda havalandırma sistemi deyilən şey yoxdur. Camaat elə bil yeraltı saunaya girir. Hamı da tər tökür. Axı niyə? Minərlə insan - yaşlı, əliuşaqlı, hamilə, xəstə metrodan istifadə etməyə məcburdur. Ventilyasiya sistemini düzəldin, insanlara belə zülm verməyin”.