Çantadan "beşbarmaq" və dəyənək aşkar edilib – Hava limanında

Antalya-Bakı aviareysi ilə gələn Azərbaycan vətəndaşının baqajına gömrükçülər tərəfindən rentgen aparatı ilə keçirilən baxış zamanı monitorda “beşbarmaq” və dəyənəyin təsvirləri görünüb. Bu barədə Avtosfer.az-a Dövlət Gömrük Komitəsinin (DGK) mətbuat xidmətindən məlumat verilib.

DGK-nın Hava Nəqliyyatında Baş Gömrük İdarəsinin əməkdaşları həmin baqaja təkrar yoxlama keçiriblər. Nəticədə, vətəndaşın çantasından 1 ədəd metaldan hazırlanmış “beşbarmaq” və 1 ədəd dəyənək aşkar olunaraq götürülüb.

Faktla bağlı araşdırma aparılır.