Cavanşir körpüsündə vəziyyət nə yerdədir? - VİDEO

Cavanşir körpüsündə söküntü işlərinin əsas hissəsi yekunlaşıb.

Avtosfer.az xəbər verir ki, iş icraçılarının verdiyi məlumata görə, ərazidə müasir infrastruktura cavab verən yol çəkiləcək.

Eyni zamanda yaşıllıq zonasının olması planlaşdırılır. Vətəndaşların təhlükəsiz hərəkət etməsi üçün bir neçə piyada zolağı da olacaq.

İş icraatçısı Vüsal Alıyevin sözlərinə görə, körpü tamamilə sökülüb, materiallar kənarlaşdırılıb.

O qeyd edib ki, işin onlara düşən hissəsini bir ay ərzində təhvil verəcəklər.

Bildirilib ki, havalar isti keçsə də, işlər sürətlə davam edir.

Avtomobil Yolları Dövlət Agentliyindən isə bildirilib ki, hələ ki, söküntü davam edir. İşlərin 4 ay ərzində yekunlaşması planlaşdırılır.