“Cəfər Cabbarlı” stansiyasının birinci yolu AÇILACAQ

Bakı metrosunun “Cəfər Cabbarlı” stansiyasının birinci yolu bu gün açılacaq. Avtosfer.az xəbər verir ki, bunu "Bakı Metropliteni" Qapalı Səhmdar Cəmiyyətinin Mətbuat xidməti və ictimaiyyətlə əlaqələr şöbəsinin rəisi Nəsimi Paşayev bildirib. O deyib ki, stansiyada iki həftəlik təmir işləri nəzərdə tutulsa da, təmir qısa müddətdə başa çatıb.

Qeyd edək ki, dekabrın 7-dən Bakı metrosunun "Cəfər Cabbarlı" stansiyasının 1-ci yolu təmir-bərpa işlərinin aparılması ilə əlaqədar bağlanmışdı.