Cəsədi tapılan neftçinin kimliyi bilindi

“Azneft” İstehsalat Birliyinin N.Nərimanov adına Neft Qaz Çıxarma İdarəsinin 3 saylı Neft Yığım Məntəqəsinin estakadasının uçduğu ərazinin yaxınlığında naməlum kişi meyiti aşkar edilib. Avtosfer.az xəbər verir ki, “Neftçilərin Hüquqlarının Müdafiə Təşkilatı” İctimai Birliyinin rəhbəri Mirvari Qəhrəmanlı cəsədin neftçiyə aid olduğunu təsdiq edib. O, cəsədin Nərimanov adına NQÇİ-ki qəzada itkin düşmüş neftçi Bəhramov Cavidə məxsus olduğunu bildirib. Meyit ailəsi tərəfindən tanınsa da, hələlik onlara verilməyib. Hazırda müəyyən dəqiqləşdirmə işləri aparılır.