"Changan"dan maşın alan vətəndaş 8 gün sonra problemlə üzləşdi: “Pulu qaytarmırlar, problemi həll etmirlər" - VİDEO

Vətəndaş Fuad Kərimov 2025-ci ilin avqust ayında ilkin ödənişlə "Changan Auto"dan ikinci əl avtomobil alıb. Lakin maşını aldıqdan 8 gün sonra onda yaranan problemlə bağlı servisə müraciət edib. 
Avtosfer.az "BakuTV"yə istinadən xəbər verir ki, Fuad Kərimovun sözlərinə görə, servis əməkdaşları problemin həll olunacağını bildirsələr də, bu vəd yerinə yetirilməyib:

"İndiyə kimi onlara 7 min manat pul ödəmişəm. Hazırda nə ödənişimi geri qaytarır, nə yeni avtomobil verir, nə də problemi həll edirlər. Yarım il avtomobilsiz qalmalıyam, amma bunların da pulunu ödəməliyəm?!" Məsələ ilə bağlı "Changan Auto"dan bildirilib ki, vətəndaşın qarşılaşdığı problemdən xəbərdardırlar. Servis əməkdaşlarının məsuliyyətsizliyi, koordinasiyanın düzgün qurulmaması səbəbindən vətəndaşla avtosalon arasında anlaşılmazlıq yaranıb. Bununla bağlı müştəri ilə danışılıb, problem tez bir zamanda aradan qaldırılacaq.