Çin beş ildə 50 hava limanı inşa edəcək

Çin beş ildə 50 hava limanı inşa edəcəkÇin 13-cü beşillik inkişaf planı çərçivəsində 2016-2020-ci illərdə 50 yeni hava limanı inşa edəcək. Azərtac ensonhaber.com-a istinadla xəbər verir ki, bu barədə Çinin nəqliyyat naziri Yan Çuantan məlumat verib. Nazirin verdiyi açıqlamaya görə, bu hava limanları ölkənin az inkişaf etmiş orta və qərb bölgələrində tikiləcək. Eyni zamanda, yüksək sürətli dəmir yolu şəbəkəsi 11 min kilometr artırılaraq 30 min kilometrə çatdırılacaq. 2016-ci ildə dəmiryol tikintiləri üçün 800 milyard yuan xərclənəcək. Bundan başqa, Çin Xalq Respublikası Dövlət Şurasının Baş naziri Li Keçyanın təqdim etdiyi hesabata görə, ölkədə infrastruktur sərmayələri 10,5 faiz artırılacaq. Çində iqtisadi artımın ləngiməsinin qarşısını almaq məqsədilə bu il yol investisiyalarına 375 milyard dollar xərcləyəcək.