Daha bir aviaşirkət Azərbaycana uçuşlar həyata keçirəcək

Rusiyanın “Uralskie avialinii” aviaşirkəti Azərbaycanda reyslərin həyata keçirilməsi üçün icazə əldə edib. Avtosfer.az trend-ə istinadən xəbər verir ki, bu barədə Rusiya Hava Nəqliyyatı Agentliyinin saytında yer alan Aviadaşıyıcıların beynəlxalq daşımalara buraxılması üzrə qurumlararası komissiyanın protokolunda qeyd olunub.

Protokolda bildirilir ki, “Uralskie avialinii” həftədə dörd dəfə olmaqla Sankt-Peterburq-Gəncə marşrutu ilə uçuşlar həyata keçirmək hüququ qazanıb.

Bundan başqa, protokolda “Uralskie avialinii” tərəfindən Sankt-Peterburq-Bakı reysinin də həyata keçirilməsi üçün səsvermə keçiriləcəyi yer alıb.