Daşqınlar nəticəsində 10 nəfər öldü, 4 nəfərdən xəbər yoxdur

Çində aramsız yağışlar daşqınlarla nəticələnib. Avtosfer.az report-a istinadən bildirir ki, bu barədə Sinxua agentliyi xəbər yayıb.

Agentliyin məlumatına görə, təbii fəlakət nəticəsində 8 nəfər həyatını itirib, 4 nəfər itkin düşüb.

Ölkənin Hunan əyalətində yarım milyona yaxın insan daşqınlardan zərər çəkib. 18000 nəfər ərazidən təxliyə edilib, 4000 nəfərin təcili yardıma ehtiyacı var.

Ölkənin cənubundakı Quansi-Çjuan muxtar rayonunda 2 nəfər həlak olub, 290 min insan zərər çəkib. 610 yaşayış evi su altında qalıb, 12000 nəfər ərazidən təxliyə edilib.