Daşqınlar nəticəsində 20-dən çox insan həlak olub

Pakistanın şimalındakı Xayber Paxtunxva və Pəncab əyalətlərində müşahidə olunan leysan yağışları və daşqınlar nəticəsində azı 22 nəfər həlak olub, 60-dan çox adam zərər çəkib. Avtosfer.az bu barədə tass-a istinadən xəbər verir. Pakistanın meteorologiya departamentinin direktoru Məhəmməd Hanif bildirib ki, yaxın bir sutka ərzində də leysan yağışlarının davam edəcəyi gözlənilir. "Güclü yağışlar Pəncab, Xayber Paxtunxva, Gilgit-Baltistan əyalətlərində və Kəşmirdə daşqınlara və torpaq sürüşmələrinə səbəb ola bilər", - deyə o xəbərdarlıq edib.