“David Paşayev. Qrifsiz “Məxfi”

Noyabrın 8-də Azərbaycan Yazıçılar Birliyində DİN Veteranlar Şurasının üzvü, istefada olan polis polkovniki Georqi Zapletinin yeni çapdan çıxmış “David Paşayev. Qrifsiz “Məxfi” kitabının təqdimat mərasimi keçirilib. G.Zapletinin oxucularla növbəti görüşü sayılan bu əsərdə məşhur soydaşlarımızdan olan  görkəmli mühəndis konstruktorun həyata keçirdiyi layihələr, çoxillik dəyərli fəaliyyəti faktların dili ilə oxucuların diqqətinə catdırılır . maraqlı, oxunaqlı dildə qələmə alınmış əsər sanki ilk cümləsindən dil açıb oxucu ilə həmsöhbətə çevrilir.D.Paşayev  "qapalı" Severodvinsk maşınqayırma müəssisəsində atom sualtı qayıqlarının istehsalı sahəsində qırx ildən artıq bir müddətdə çalışıb. On altı il ərzində qırx min  insanın işlədiyi həmin birliyin baş direktoru olub. Müəssisəyə- Rusiya Dövlət Atom Gəmiqayırma Mərkəzinin tərkibinə yeddi iri birliklər, zavodlar, elmi-istehsalat və konstruktor birlikləri daxildir. Bu nəhəng birliyə  soydaşımızın rəhbərlik etməsi xalqımızın  qəhrəman, igid, yüksək bilik və bacarığa malik övladlarının nəinki ölkəmizdə, eləcədə, respublika hüdudlarından kənarda da yüksək nailiyyətlər əldə etməsinin bariz nümunəsidir.

Tanınmış həmyerlimiz 1995-ci il xüsusi tapşırığın yerinə yetirilməsi zamanı göstərilən qəhrəmanlığa və igidliyə görə, "Rusiya Federasiyası Qəhrəmanı" fəxri adına layiq görülüb.

David Paşayev atom sualtı qayıqların üç nəslinin işlənib hazırlanmasına və yaradılmasına görə elm və texnika sahəsində iki dəfə Rusiya Dövlət mükafatı ilə təltif olunub.

Tədbirdə  Rusiya Federasiyasının ölkəmizdəki səfirliyinin nümayəndələri David Paşayevin yaxınları və əzizləri  öz xatirələrini   bölüşüblər. 

Aytəkin Nəcəfova, 

DİN Mətbuat Xidmətinin əməkdaşı