Dayanacaqdan 25 min AZN tapan qadından YENİ XƏBƏR

Bir neçə gün əvvəl Türkiyədə rəfiqəsinin qızı ilə gəzintiyə çıxarkən avtobus dayanacağında "xəzinə" tapan Hənifə Öndərdən xəbər var Milli.az "Habertürk"ə istinadla bildirir ki, həmin qadın mükafatlandırılıb. Belə ki, qadının yaşadığı rayonun bələdiyyə sədri Hənifəyə baş çəkərək ona bu hərəkətinə görə təşəkkür edib və onların ailəsinə hər cür dəstəyə hazır olduğunu bildirib. Həmçinin bələdiyyə sədri qadına yüksək məbləğdə pul da verib.

Qeyd edək ki, avtobus dayanacağının yanında heç kimin olmadığını görən qadın 25 min Azərbaycan manatı olan paketi götürərək polis idarəsinə gedib. O, bundan əlavə, sosial şəbəkədə elan verərək pul sahibinin tapılmasının ən böyük istəyi olduğunu bildirib.

Pulun sahibi isə hələ ortaya çıxmayıb.