Dəhşətli qəzaların görüntüləri yayıldı - VİDEO

Keçiddən keçən qadını avtomobil vurub. Ağır yol-nəqliyyat hadisə gecə paytaxtın Xətai rayonu Nobel prospektində baş verib.17 yaşlı sürücü qadın piyadanı keçiddə vuraraq öldürüb. Prospektin şəhərin mərkəzi istiqamətində olan hissəsində piyada keçidinin üzərində 52 yaşlı Sevda Nəsirovanı minik  avtomobili vurub. Çox böyük sürətlə hərəkət edən minik maşını qadını 100 metrə yaxın məsafədə yerlə sürüyüb. Nəticədə qadının meyiti iki yerə parçalanıb. Hadisə ilə bağlı əraziyə dərhal yol polisi gəlib. Heç bir sənədi olmadan avtomobili idarə edən 17 yaşlı yeniyetmə saxlanılıb. Qadının meytini isə rayon məhkəmə tibbi ekspertiza və pataloji anatomiya birliyinə aparılıb.

Yol polisinin verdiyi məlumata görə, qəzaya yeniyetmənin avtomobili həddindən artıq sürətlə idarə etməsi səbəb olub.

Göyçay rayonunda isə çamışlar qəzaya səbəb olub. Gecə Bakı-Şamaxı-Yevlax magistral yolunun 200-ci kilometrliyində, rayonun Qarayazı kəndi ərazisində avtomobil ilə hərəkətdə olan rayonun Qaraməryəm kənd sakini Zaur Sultanov yolu keçmək istəyən iki camışı vurub. Nəticədə avtomobil yoldan çıxaraq aşıb.  Qəza zamanı sürücü ağır  yaralanıb və dərhal Göyçay Mərkəzi Rayon Xəstəxanasına aparılıb. Həkimlərin səylərinə baxmayaraq onun həyatını xilas etmək mümkün olmayıb.

Lənkərandakı qəza da ölümlə nəticələnib. Ötən gün axşam saatlarında  Lənkəranın Şağlaküçə  kəndində iki avtomobil toqquşub. Toqquşma zamanı sürücüsü 26-yaşlı Fərahim Məlikzadə, onun  anası 51  yaşlı Şinəxanım Fərəcova, ailənin gəlini 21 yaşlı  Salatın Fərəcova və iki azyaşlı uşaqları  Hüseyn Fərəczadə və Nur Fərəczadə Digər avtomobildə olan Malik Babayev və Mehman Həbibov müxtəlif dərəcəli bədən xəsarətləri alaraq Lənkəran Rayon Mərkəzi Xəstəxanasına çatırılıb.51  yaşlı Şinəxanım Fərəcova xəstəxanada dünyasını dəyişib.