“Delta Airlines” Moskva - Nyu-York aviareysini ləğv etdi

Bu gün Bakı vaxtı ilə saat 14:45-də Moskvanın “Şeremetyevo” hava limanından Nyu-York istiqamətində “Delta Airlines” aviaşirkətinin sonuncu reysi həyata keçiriləcək.

Avtosfer.az “Dojd” telekanalına istinadən xəbər verir ki, bu gündən etibarən Rusiyadan ABŞ-a digər ölkələrdən həyata keçirilən reyslərlə uçmaq mümkün olacaq. Halbuki, bu yalnız xarici hava yollarına aiddir. Rusiyanın “Aeroflot” aviaşirkəti əvvəlkitək Moskvadan Nyu-Yorka və Los-Ancelesə reyslər həyata keçirir. “Delta Airlines”dən bildirildiyinə görə, Moskva istiqamətində reyslərin ləğvi mövsümi xarakter daşıyır və 2017-ci ilin may ayında bərpa olunacaq. Mənbə onu da xatırladır ki, bu aviaşirkət 2015-ci ilin dekabr ayında sərnişinlərdə tələbat olmaması üzündən bu reysin həyata keçirilməsini dayandırmışdı.