Dəmir Yolları İdarəsinin rəhbəri istefa verdi - Qəzaya görə

İranın Dəmir Yolları İdarəsinin baş direktoru Möhsin Purseyidağayi istefa verib. Avtosfer.az APA-ya istinadən xəbər verir ki, o, İran Televiziyasının 1-ci kanalında yayımlanan 21:00 xəbər buraxılışında Simnan şəhərinin Həftxan dayanacağında iki sərnişin qatarının toqquşması nəticəsində həlak olmuş 44 nəfərə görə İran xalqından üzr istəyib və tutduğu vəzifədən istefa verib. “İstefa ərizəmi yol və şəhərsalma naziri Abbas Axundiyə təqdim etmişəm və o istefamı qəbul edib”, - deyə M.Purseyidağayi bildirib.

Qeyd edək ki, 44 nəfərin ölümü ilə nəticələnən dəmir yolu qəzasında həlak olanların əksəriyyəti Şərqi Azərbaycandandır.