Dəmir yolunda qiymətlər qalxır?

Azərbaycanın daxilində dəmir yolu daşımaları üzrə tariflərin dəyişdirilməsi məsələsi gündəmdə deyil. Avtosfer.az trend-ə istinadən bildirir ki, bunu jurnalistlərə "Azərbaycan Dəmir Yolları" QSC-nin sədri Cavid Qurbanov deyib. O bildirib: "Beynəlxalq istiqamətlər üzrə tarif siyasəti bizdən asılı deyil, orada beynəlxalq sazişlər, İsveçrə frankının məzənnəsi və s. rol oynayır. Daxili reyslərə gəlincə, hətta Bakı-Sumqayıt elektrik qatarı üzrə gedişin maya dəyərinin təqribən 6 dollar, bir sərnişin üçün biletin qiymətinin isə 0,8 manat olmasına baxmayaraq, daxili reyslər üçün tariflərin dəyişdirilməsini nəzərdən keçirmirik".