Dəniz reysləri təxirə salındı

İstanbulda dəniz reysləri təxirə salınıb. Avtosfer.az-ın Trend-ə istinadən məlumatına görə, bu barədə Türkiyə Dəniz Nəqliyyatı İdarəsinin yaydığı xəbərdə qeyd olnub. Reyslərin təxirə salınması şəhərdə hazırda müşahidə edilən hava şəraiti ilə əlaqədardır. Belə ki, İstanbulda güclü küləklə müşayiət olunan yağış yağır. Meteoroloqların proqnozlarına görə, belə kəskin hava şəraiti İstanbul akvatoriyasında hələ yaxın 2 gün ərzində də davam edəcək. Dəniz reyslərinin təxirə salınması səbəbindən "Marmaray" tuneli gücləndirilmiş rejimdə işləyir.