DİN-in boksçuları qələbə qazandı - FOTO

Dekabrın 20-dən 24-dək görkəmli Azərbaycan boksçusu Abbas Ağalarovun xatirəsinə həsr olunmuş gənclər arasında ənənəvi beynəlxalq turnir keçirilib. Azərbaycan Boks Federasiyasının idman zalında baş tutan yarışda yerli idmançılarla yanaşı, 14 xarici dövlətin komandası iştirak ediblər. Azərbaycan milli komandası turnirdə 3 qızıl, 2 gümüş və 7 bürünc medal qazanıb. Bu nəticə Azərbaycanı komanda hesabında birinci edib. Millimizin heyətində DİN İdman Cəmiyyətinin 3 idmançısı öz gücünü sınayıb. Onlardan 52 kq. çəki dərəcəsində Əflatun Babayev bütün rəqiblərinə qalib gələrək qızıl medala sahiblənib, Cəmiyyətin digər yetirməsi Cavid Qurbanov yarımfinala qədər irəliləyərək bürünc medal əldə edib. O, 69 kq. çəki dərəcəsində öz qüvvəsini sınayıb. Yarışın sonunda qaliblərə diplom və kubok verilib.

Qeyd edək ki, komandamızı bu yarışa İdman Cəmiyyətinin müəllimi, əməkdar məşqçi  Yadigar Məmmədov hazırlayıb.

Zeyni Hüseynov,

DİN Mətbuat Xidmətinin əməkdaşı