DİN: "Referendum günü şəxsiyyət vəsiqəsi alınması üçün sənədlərin qəbulu davam edəcək"

Bu il sentyabrın 26-na təyin edilmiş ümumxalq səsverməsi (referendum) günü ilə əlaqədar həmin günün qeyri-iş günü olmasına baxmayaraq, Daxili İşlər Nazirliyinin (DİN) şəhər-rayon polis orqanlarının müvafiq qurumlarında şəxsiyyət vəsiqəsinin alınması üçün sənədlərin qəbulu davam edəcək. Avtosfer.az xəbər verir ki, bu barədə DİN-in mətbuat xidmətindən məlumat verilib.

“Sənədlərin qəbulu səhər saat 8.00-dan axşam saat 20.00-dək həyata keçiriləcək”, - DİN-dən bildirilib.