Dörd nəfəri gün vurub - Bakıda

Bakıda 4 nəfəri gün vurub. Bunu Avtosfer.az-a açıqlamasında Bakı şəhər Təcili və Təxirəsalınmaz Tibbi Yardım Stansiyasının baş həkiminin müavini İradə Əliyeva deyib.

O bildirib ki, şənbə və bazar günləri günvurma ilə bağlı Təcili və Təxirəsalınmaz Tibbi Yardım Stansiyasına 4 nəfər müraciət edib.

İ.Əliyevanın sözlərinə görə, gün vuranlardan iki nəfəri xəstəxanaya yerləşdirilib.

Baş həkimin müavini qeyd edib ki, yay mövsümü başlayandan bu günə kimi isə Təcili və Təxirəsalınmaz Tibbi Yardım Stansiyasına ümumilikdə 59 nəfər günvurma ilə bağlı müraciət edib. Onlardan 20-si xəstəxanaya yerləşdirilib.