Dörd yol qəzasında: 1 ölü, 8 yaralı 

Respublikanın daxili işlər orqanları tərəfindən ötən gün qeydə alınmış 84 cinayət faktından 26-nın üstü “isti izlər”lə açılıb. Avtosfer.az xəbər verir ki, Daxili İşlər Nazirliyinin mətbuat xidmətindən Azərtac-a bildirilib ki, Cinayət Məcəlləsinin müxtəlif maddələri ilə axtarılan 7 nəfər tutularaq istintaq orqanlarına təhvil verilib. Respublikanın avtomobil yollarında baş vermiş 4 yol-nəqliyyat hadisəsi nəticəsində 1 nəfər ölüb, 8 nəfər isə xəsarət alıb. Daxili işlər orqanları əməkdaşlarının keçirdikləri əməliyyat-axtarış tədbirləri nəticəsində narkotiklə əlaqəli 12 fakt müəyyənləşdirilib.

Cinayət törətməkdə şübhəli bilinən 31 nəfər tutulub.