Dövlət agentliyi sahibkar özbaşınalığına göz yumub - FOTO
Paytaxtda sahibkarların etdiyi özbaşınalığa dövlət qurumu da dəstək verib.
Avtosfer.az xəbər verir ki, Bakının Nərimanov rayonundakı obyektlərin sahiblərinin əhaliyə qarşı saymazyana davranışı sosial şəbəkələrdə müzakirələrə səbəb olub.
Əhməd Rəcəbli küçəsində aralarında 2 məşhur restoranın da yer aldığı obyektlərin sahibləri piyadaların hərəkəti üçün nəzərdə tutulmuş ərazini özəlləşdirib. Səkini obyektin təməlinə qataraq, parklama yeri kimi istifadə edir.
Bu azmış kimi, ərazidə bu həcmdə özbaşınalıq olmasına rəğmən, Azərbaycan Avtomobil Yolları Dövlət Agentliyi həmin özbaşınalığın “böyür-başını da bəzəyib”.
Problemlə əlaqədar şəbəkə istifadəçiləri də qurumdan addım atılmasını gözlədiklərini bildirsələr də, həələ də məsələ öz həllini tapmayıb.
Səfər