Duman Dubay hava limanının işini iflic etdi

Birləşmiş Ərəb Əmirliklərində ötən həftənin cümə günündən müşahidə olunan güclü duman Dubay hava limanında reyslərin gecikməsinə və ləğvinə səbəb olub.

Avtosfer.az-ın Trend-ə istinadən məlumatına görə, bu gün səhər saatlarından bir çox aviareyslər, o cümlədən Avropa istiqamətində gecikib və ləğv edilib. Belə ki, günün birinci yarısı ərzində Dubayda 150 reys ləngiyib, 11-i təxirə salınıb.

Dumanlı hava şəraitinin hələ bir neçə gün davam edəcəyi bildirilir.