Dünyanın bir nömərli "avtoş"u - VİDEO

Dünya onu ən güclü avtomobil sürücüsü kimi tanıyır. Avtosfer.az atv.az-a istinadən xəbər verir ki, Böyük Britaniyalı Alistir Mofet bu titulu əbəs yerə qazanmadığını bir daha nümayiş etdirib. Londonda sükan arxasına keçən təcrübəli sürücü,   maşını dar bir yerdə 360 dərəcə fırlatmağa müvəffəq olub.

Meydanda saxlanılmış avtomobillər arasında məsafə 2.25 metr olub. Britaniyalı sürücü öz maşınını bu məsafədə  dairə üzrə fırlatmalı idi.  Hər hansı bir qəzaya səbəb olsaydı, rekord cəhdi uğursuz sayılacaqdı. Ancaq Alistir əziyyətinin bada getməsinə imkan verməyib. O, inanılmaz görünsə də,  digər avtomobillərlə toqquşmadan maşını 360 dərəcə fırlatmağa müvəffəq olub.

Bundan əvvəlki dünya rekordu, maşınlar arasındakı 2.5 metr məsafədə qeydə alınmışdı. Alistir Mofet həmin göstəricini 0 .25 metr qabaqlayıb. Dünya rekordu vuran sürücü, avtmobil istifadəçilərini dərhal eyni uğuru təkrarlamamağa  səsləyib. Bunun üçün aylarla məşq etmək və illərin təcrübəsi lazımdır.