Dünyanın ən yaxşı hava yolu şirkətləri - AZAL neçənci yerdədir?

“Skytrax” araşdırma şirkəti 2017-ci ilin ən yaxşı 100 hava yolu şirkətinin siyahısını açıqlayıb. Avtosfer.az “Qafqazinfo”ya istinadən xəbər verir ki, təxminən 20 milyon nəfərin iştirak etdiyi sorğuda 325 hava yolu şirkəti dəyərləndirilib. Müştərilərin rahatlığının təmin edilməsi, təyyarələrin şəraiti, xidmət səviyyəsi və bir çox parametrin nəzərdə tutulduğu sorğu nəticəsində ən yaxşı hava yolu şirkəti “Qatar Airways” seçilib. Bu şirkət ötən il 2-ci pillədə yer almışdı.

Ötən il 1-ci olan “Emirates” isə bu il 4-cü pilləyə geriləyib.

Azərbaycan Hava Yolları (AZAL) keçən il olduğu kimi, bu il də 71-ci sırada yer alıb.

Türk Hava Yollar (THY) isə 5 pillə geriləyərək 10-cu sırada yerləşib və “ilk 10-luq”dan kənarda qalıb.

Ən yaxşı 10 hava yolu şirkətini təqdim edirik:

1. (2) - “Qatar Airways” (Qətər)

2. (3) - “Sinqapore Airlines” (Sinqapur)

3. (5) - “ANA All Nippon Airways” (Yaponiya)

4. (1) - “Emirates” (Birləşmiş Ərəb Əmirlikləri, Dubay)

5. (4) - “Cathay Pacific” (Honkonq)

6. (8) - “Eva Air” (Tayvan)

7. (10) - “Lufthansa” (Almanniya)

8. (6) - “Ettihad Airways” (Birləşmiş Ərəb Əmirlikləri, Əbu-Dabi)

9. (12) - “Hainan Airlines” (Çin)

10. (11) - “Garuda Indonesia" (İndoneziya)

Qeyd edək ki, mötərizədə göstərilən rəqəmlər şirkətlərin 2016-cı ildə tutduqları yerdir.